Ən çox verilən suallar (FAQ)

  • Domen ödənişinin zamanı nə vaxta kimidir?

    Yeni domen adını 1-10 il müddətinə qeydiyyatdan keçirə bilərsiniz. İstifadə müddəti bitdikdən sonra bir çox domen adları müəyyən bir müddət ərzində bərpa edilə bilər. Bu müddət iki həftədən 30 günə qədər davam edə bilər və bu müddət ərzində domenin hazırki sahibi onu yeniləyə bilər.

  • Nameserver nədir?

    Neymserver DNS sorğulara müvafiq məlumatların ötürülməsi protokoluna əsasən cavab verən xüsusi serverdir. Onun əsas təyinatı domen adının IP ünvana dəyişdirməsi və domen zonasının çalışmasını dəstəkləməkdir. 
     

  • Hostinq nədir?

    Hostinq vebsayta aid faylların internet şəbəkəsinə surətli bağlantısı olan və internet istifadəçilərinin sorğularını qəbul edən serverdə yerləşdirən bir xidmətdir. 
     

  • VPS-in üstünlükləri hansılardır?

    VPS-in əsas üstünlüklərindən biri serveri idarə etmək imkanıdır. Sizə ayrılan prosessor və yaddaş resurslarından başqa heçnə məhdud deyil. 

  • Virtual private server nədir?

    VPS (virtual şəxsi server) hostinq və fiziki serverin üstünlüklərini özündə birləşdirir. 
    Texnologiya ayrılmış virtual serveri fiziki serverin çərçivəsində çalışdırmaq üçün imkan yaradır.  Bir fiziki serverdə bir neçə virtual server yerləşə bilər. 
     

  • Dedicated serverdə hansı əngəllər (qadağalar) var?

    Fiziki serverin istifadəsinə heç bir xüsusi məhdudiyyətlər tətbiq etmirik. Root-icazə və serverdən istifadə etmək üçün müstəsna hüquqa sahib olduğunuz üçün, resursları istədiyiniz kimi istifadə edə bilərsiniz. 

  • VDS hansı hallarda istifadə olunur?

    VDS əsasən yüksək trafikli və ya xüsusi təhlükəsizlik tələb edən saytlar, e-ticarət saytları üçün uyğun seçimdir. 
     

  • VPS və Paylaşılan hostinqin arasındakı fərq nədən ibarətdir?

    VPS server Fiziki serverin bir çox üstünlüklərini özündə daşıyır. Məsələn, istifadəçi saytının tələblərinə uyğun olaraq disk həcmini dəyişdirmək imkanı əldə edir.  Adi hostinq isə məhdudiyyətli administrativ giriş imkanı verir, proqram konfiqurasiyalarını fərdiləşdirmək mümkün olmur. 

  • Fiziki server nədir?

    Fiziki server (dedicated server) bütün resursları bir sayt üçün sərf edilən ayrılmış fiziki daşıyıcıdır. Bu cür server istifadəçi üçün böyük imkanlar yaradır və istənilən halda onun tərəfindən idarə edilə bilir. 
     

  • Xidmətlərə görə necə ödəniş etmək olar?

    Ödənişlər onlayn olaraq Visa, MasterCard bank kartları, Paymentwall, PayPal, Portmanat ödəniş sistemləri vasitəsilə həyata keçirilir.  

  • Seçdiyim paketi gələcəkdə dəyişə bilərəm?

    Bəli, dəyişə bilərsiniz. 
     

  • Sizdən hər hansı xidmət aldıqdan sonra lazım olan məlumatları hardan əldə edə bilərəm?

    İlk öncə bütün məlumatlar elektron məktub vasitəsilə sizə göndəriləcək. Əlavə məlumat əldə etmək üçün, zəhmət olmasa LiveChat ilə bizə müraciət edin və ya tiket yaradın. 
     

  • Hostinq paketi aldıqda pulsuz verilən SSL sertifkatın müddəti nə vaxt bitir?

    Pulsuz təmin etdiyimiz SSL-Sertifikat hostinqin müddəti bitənə kimi aktiv olur. 
     

  • Ödəniş vasitələriniz hansılardır?

    Saytımızda Visa, MasterCard kartlarından, Paymentwall, PayPal, Portmanat sistemlərindən istifadə edərək ödənişi həyata keçirə bilərsiniz. 
     

  • Hər hansı başqa hostinq şirkətində mövcud olan saytın daşınmasını həyata keçirirsiniz?

    Bəli, bu mümükündür. Birinci vebsaytı pulsuz köçürürük. Əlavə saytların köçürülməsi isə ödənişli olacaq. 
     

  • Hansı PHP versiyalardan istifadə edə bilərəm?

    PHP selektor vasitəsilə 4.4-dən 7.2 kimi bütün  versiyalarından istifadə edə bilərsiniz. 
     

  • Hostinq alındıqdan neçə saat sonra aktivləşir?

    Hostinq hesabı qeydiyyatdan keçdikdən dərhal sonra aktiv edilir. 
     

  • Domen adı alıdıqdan neçə saat sonra aktivləşir?

    Domen adı qeydiyyatdan keçdikdən dərhal sonra aktiv edilir. 
     

  • Son ödəmə tarixi keçdikdən neçə gün sonra saytım silinir?

    Saytınız son ödəmə tarixi keçdikdən bir ay sonra deaktiv olunacaq. 
     

  • Nameserver-ləri yönləndirdikdən nə qədər sonra tam yönlənmiş hesab olunurlar?

    Adətən 24-48 saat ərzində yönəldilir. 

  • Paylaşılan hostinq-də neçə ədəd veb-sayt yerləşdirmə imkanım var?

    Seçilmiş hostinq paketinə əsasən hesabınızda müxtəlif sayda sayt yerləşdirə bilərsiniz. Məsələn Basic paketini seçdikdə hesabınızda sadəcə bir sayt yerləşdirə biləcəksiniz. “Expert” paketimiz isə limitsiz sayda sayt yerləşdirmək imkanı verir. 

  • Paylaşılan hostinqə neçə ziyarətçi daxil ola bilər?

    Ziyarətçi sayı seçdiyiniz hostinq paketdən asılı olaraq dəyişir.

  • Paylaşılan hostinq kim üçün uyğundur?

    Paylaşılan hostinq şirkət saytları və şəxsi səhifələri, eləcə də blog və forumları yerləşdirmək üçün uyğundur. Məsələn, Basic tarif planı bloqlar, kiçik saytlar, Optima və Expert planları isə yüksək trafikli, iri saytların sahibləri üçün daha üçün uyğundur. 

  • 3 ay, 6 ay və bir illik ödəmə variantları mövcuddurmu?

    Hostimul 4 ödəniş variantı təklif edir. Xidmətlər üçün 1 aylıq, 3 aylıq, 6 aylıq və 12 aylıq ödəniş edə bilərsiniz. Xidmətlərimizi 1 illik ödədiyiniz halda 15% endirim əldə edəcəksiniz. 

  • Cloud Linux nədir?

    Cloud serverləri hər istifadəçi üçün xüsusi qaynaq yaratmaqla serverin stabil işləməsini, təhlükəsizliyini və məhsuldarlığını artırır.

    Eyni sistemdə yerləşən digər sayt sizin sayta hec cür təsir edə bilməz. Nəticədə saytınızın yavaşlaması, işləməməsi və sairə kimi problemlərlə üzləşməyəcəksiniz.

  • LiteSpeed-in üstünlükləri hansılardır?

    LiteSpeed-lə statik xarakterli veb-səhifələr dinamik yaradılanlardan daha sürətli yüklənir. Bu, öz növbəsində, veb-səhifənizin məhsuldarlığını və sürətini artırır.

    Google rəsmi olaraq təsdiq edir ki, oxşar məzmunlu iki veb-səhifədən daha sürətli yüklənən səhifə üstünlük təşkil edir.

    DDoS, WordPress Brute Force və digər hücumlardan qoruyur.

    Xüsusi PHP LiteSpeed SAPI modulu sayəsində, LiteSpeed Web Server mod_php, həmçinin FastCGI-dən daha yüksək səviyyəli bir performans təmin edir.

  • Paylaşılan hostinqin üstünlükləri nədir?

    Paylaşılan hostinq kiçik büdcəsi olan sayt sahibləri üçün ideal seçimdir. Paylaşılan hostinqdən istifadə edərək zamanla büdcəniz imkan verərsə hostinqinizi başqa hostinq paketinə keçirə bilərsiniz.

    Eləcə də, paylaşılan hostinq istifadə etdiyinizdə siz CPaneldə bir neçə sayt quraşdıra bilərsiniz. Məsələn bir iştifadəçi müxtəlif domenlərdən həm şəxsi, həm də biznes saytını rahatlıqla idarə edə bilər. Paylaşılan hostinq bunun üçün ideal seçimdir.

  • Nə qədər elektron ünvan açmaq imkanım olacaq?

    Hesabınızdaki elektron ünvanların sayı seçdiyiniz paket növünə görə dəyişir. Təklif etdiyimiz hər paketdə elektron ünvan yarada bilərsiniz. "Optima" və "Expert" paketlərini seçdiyiniz halda isə, limitsiz elektron ünvan yaratmaq imkanını əldə edirsiniz. 

  • Paylaşılan hostinqi necə əldə edə bilərəm?

    Sadəcə "Sifariş et" düyməsinə basmanız yetərlidir.

  • Paylaşılan hostinq nədir?

    Paylaşılan hostinq bir neçə istifadəçinin server daxilində bir-birinə mane olmadan istifadə etdiyi hostinq növüdür.  Hər hesabın özünə aid yeri olur və onlar bir-birinə müdaxilə etmir. Paylaşılan hostinq sizin resursları paylaşdığı müddətdə bütün fayllarınız tam qorunur və digər istifadəçilərdən tam izolyasiya olunursunuz.

  • Müştərilərimə texniki dəstəyə görə kim məsuliyyət daşıyır?

    Şirkət olaraq siz müştərilərinizə texniki dəstək barəsində cavabdehsiz. Lakin biz, öz növbəmizdə, sizə 24/7 texniki dəstək təmin edirik!

  • Öz şəxsi hostinq paketlərimi yarada bilərəm?

    Bəli, reseller hostinq əldə etməklə siz müştərilərinizin tələblərindən asılı olaraq istənilən hostinq paketi yarada bilərsiniz. Yeganə məhdudiyyətiniz sizin seçdiyiniz reseller paketin resurslarıdır.

  • Reseller hostinq hansı idarəetmə panelini dəstəkliyir?

    Bizim bütün reseller hostinq paketləri cPanel idarəetmə panelini dəstəkləyir. İstifadəsi çox asan və rahat anlaşılandır. Bu da o deməkdir ki, müştəriləriniz cPanel vasitəsilə öz hostinqlərini rahatlıqla idarə edə bilər.

  • Müştərilərim hostinqlərini idarə edə biləcəkmi?

    Müştəriləriniz cPanel idarəetmə paneli sayəsində hostinqlərini idarə edə biləcəklər.

  • Biznesim inkişaf edərsə, hostinq paketini daha böyüyü ilə əvəz edə biləcəm?

    Əlbəttə! Seçdiyiniz hostinq paketini istənilən vaxt daha böyüyü ilə əvəz edə bilərsiniz.

  • Reseller hostinqlə paylaşılan hostinqin fərqi nədədir?

    Reseller hostinq özünü ayrıca şirkət olaraq təqdim edib, üçüncü şəxslərə hostinq satmaq istəyən istifadəçi üçün nəzərdə tutulur. Paylaşılan hostinq isə bir neçə istifadəçinin bir serverin içində bir-birinə mane olmadan istifadə etdiyi hostinq növüdür.

  • Reseller hostinqin üstünlükləri nədədir?

    Reseller hostinq almaqla, siz işin texniki tərəfindən narahat olmaya bilərsiniz. Çünki, biz bütün texniki işləri öz üzərimizə götürürük. Siz isə rahatlıqla biznesinizin inkişafına fokuslana bilərsiniz.

  • Reseller hostinq nədir?

    Reseller hostinq istifadəçiyə, hostinq şirkəti kimi davranaraq gələcəkdə üçüncü şəxslərə hostinq satmaq imkanı yaradır. Reseller hostinqlə istifadəçi hostinqlərdə müxtəlif tarif planları yarada bilər.

  • Bulud VPS-də hansı məhdudiyyətlər var?

    Məhdudiyyətlər tamamilə seçdiyiniz Bulud VPS paketindən asılıdır.

  • Bulud serverin içərisində cPanel quraşdıra bilərəm?

    Bəli, Bulud serverdə cPanel quraşdıra bilərsiz.

  • Serverdə hər hansı nasazlıq yaranarsa bunun saytıma təsiri ola bilər mi ?

    Xeyr. Çünki saytınızın məlumatları davamlı olaraq digər serverə kopiyalanır və hər hansı nasazlıq yarandıqda, orada yerləşən saytınız, heç bir məlumat itkisi baş vermədən digər fiziki serverlərə keçirilir.

  • Bulud VPS-də neçə domen yerləşdirmək olar?

    Domenlər istifadəçiləri əsas saytınıza yönəltmək üçün istifadə olunur. Cloud VPS ilə limitsiz sayda domen adı istifadə edə bilərsiniz. Hər şey serverdə istifadə olunan xidmətlərdən, onların optimizasiyasından və istifadə edilən resurslardan asılıdır. 

  • Bulud VPS anti-DDoS qoruma təmin edilir? DDoS hücumlardan qoruma nə üçün vacibdir?

    DDoS-hücumlar dünyada bir çox təşkilatların kiber təhlükəsizliyinə real təhdid olmağa davam edir. Bulud VPS-i istifadə edərək DDoS-hücumlar barəsində narahat olmağa dəyməz. Çünki bulud VPS anti-DDoS qoruma təmin edilir. 

  • Bulud serverinin quraşdırma qiyməti nə qədərdir?

    Bulud serverin quraşdırılması tamamilə ödənişsizdir.

  • Bulud serveri hansı əməliyyat sistemlərindən istifadə edir?

    CentOS, Debian, Ubuntu və Windows əməliyyat sistemlərindən istifadə edirik.

  • Bulud serveri kimin üçün uyğundur?

    Bulud serveri portallar, bloqlar yaxud xüsusi müəssisə veb saytları üçün uyğundur. 

  • Bulud VPS təhlükəsizdir?

    Bəli, çünki məlumatlarınız daim digər fiziki serverə kopiyalanır və sizin serverdə hər hansı nasazlıq yaranarsa, heç bir məlumat itkisi olmadan saytınız digər serverə rahatlıqla keçirilir.

  • Bulud serveri nədir?

    Bulud VPS özündə adi VPS-in (Fərdi Virtual Serverin) və bulud texnologiyalarının özəlliklərini birləşdirir.

  • Reseller hostinq əldə edə bilmək üçün Bulud VPS və ya Fiziki server istifadəçisi olmalıyam?

    Xeyr. Reseller hostinqi hər kəs rahatlıqla əldə edə bilər.

  • Fiziki serveri idarə etmək üçün xüsusi biliklərə ehtiyac varmı?

    Fiziki server əldə etmək istəyirsinizsə, anlamalısız ki, məhz bu tip serverdə sistem administrasiya bilikləri vacibdir.

  • Bulud VPS yoxsa Fiziki server? Hansını seçməliyəm?

    Bulud VPS fiziki serverdən ucuzdur, imkanları və resursları daha azdır. Bu iki serverin arasında seçim isə tamamilə sizin saytınızın növündən asılıdır.

  • Fiziki serverin üstünlükləri hansılardır?

    Fiziki serverin üstünlüyü ondadır ki, fiziki server bir müştəri üçün nəzərdə tutulub və paylaşıla bilməz. Bu isə o deməkdir ki, fiziki serverin resursları sadəcə bir müştəri tərəfindən istifadə oluna bilər.

  • Fiziki serverin qəbul edə biləcəyi trafik həcmi nə qədərdir?

    Hər paketdə trafik həcmi nəzərə alınıb. Fiziki serverin trafik həcmi 100000 GB-dır.

  • Fiziki serverin fasiləsiz işləməsini zəmanət verirsiniz?

    Biz fiziki serverdə 99.8% qaranti uptime zəmanəti təmin edirik.

  • Verilənlər bazasının ehtiyat nüsxəsi aparılır mı?

    Hostimul məlumatlarınızın mütəmadi saxlanılmasını təmin edir və ehtiyac yarandığda onları bərpa edir. Serverdə yerləşən məlumatlarınızın tam ehtiyat nüsxəsini aparırıq. Hər 5 gündən bir yeni inkremental ehtiyat nüsxəsi aparırıq və bununla da yeni bir bərpa nöqtələri yaradırıq. Hər hansı bir səbəbdən məlumat itkisi baş verdiyi halda, onları asanlıqla bərpa edə bilərsiniz. 

  • Hansı fiziki server paketi mənə uyğundur?

    Sizin tələblərinizdən asılı olaraq böyük yaddaş həcmi və RAM-ı olan fiziki server paketi seçə bilərsiniz.

  • Paylaşılan hostinqlə fiziki server arasındaki fərqlər hansılardır?

    Paylaşılan hostinq birdən çox istifadəçinin bir serverdə olmasına imkan verir. Lakin, fiziki server sadəcə bir istifadəçi üçün nəzərdə tutulub və digər istifadəçilərlə paylaşılmır

  • Fiziki server nədir?

    Fiziki serverin bütün resursları müştəriyə təqdim olunur və sadəcə onun saytı üçün istifadə olunur. Müştəri idarəetmə panelinə və avadanlıq (aparat) komponentlərinə heç bir məhdudiyyət olmadan tam giriş icazəsi alır.

  • .in domeni nədir?

    in. domen zonası birbaşa Hindistanla əlaqəli biznesə başlamaq istəyən təşkilatlar üçün uyğundur. Bugün Hindistan bazarı sürətlə artır və bir çox şirkətlər bu ölkədə bizneslərini inkişaf etdirmək üçün .in domen adını istifadə edir. Bu domen coğrafi tələblər olmadan hər hansı bir ölkənin vətəndaşları tərəfindən əldə edilə bilər. Bəzi şirkətlər müxtəlif coğrafi ərazilərdə yerləşən müştərilər üçün ayrı URL yaradırlar. Məsələn, məhsullarınız və xidmətləriniz haqqında məlumat daşıyan yerli saytınız varsa, həmçinin Hindistanda yaşayan müştəriləriniz üçün ayrıca bir sayt yarada bilərsiniz. 
     

  • .us domeni nədir?

    .us domen adı dövlət və bələdiyyə orqanlarının və ya ABŞ bazarına çıxmaq istəyən şirkətlərin saytları üçün uyğundur. Bu domen adı bütün ABŞ vətəndaşları və ölkənin ərazisində yerləşən dövlət qurumları, habelə ABŞ-da aparılan hər hansı bir xarici biznes və ya təşkilat üçün mövcuddur. 


    us. domeni aşağıdakı imkanları yaradır: 
    ⦁    ABŞ-da yaşayan istifadəçiləriniz üçün xüsusi saytın yaradılması
    ⦁    Asan yadda qalan domen il yeni saytın yaradılması
    ⦁    Ticarət nişanını ABŞ-da qorumaq
    ⦁    ABŞ kataloqunda listinq əldə etmək 


     

  • .info domeni nədir?

    .info domen adı internet istifadəçiləri arasında çox məşhurdur və COM, .NET və .ORG kimi domen zonaları ilə birlikdə ən populyar domenlərdən biridir. Çox güman internetdə düzgün məlumat axtaran istifadəçilər axtarış sistemində .info domenini yığacaq. Bundan əlavə, axtarış sistemlərində yüksək trafik əldə etmək istəyirsinizsə, ümumi SEO strategiyanızın bir hissəsi olan söz əsaslı domen adının faydalarını düşünün. 

    Bu yenilikçi domen adı .com saytının ilk alternativlərindən biridir. Domen zonası 30 yanvar 2001-ci il tarixində yaradılmışdır. 
    Baxmayaraq ki, .info domen adı ilk növbədə informativ saytlar üçün nəzərdə tutulmuşdur, hal-hazırda müxtəlif növ təşkilatlar tərəfindən istifadə edilir. 


    .info domen adı aşağıdakı hallarda istifadə oluna bilər:

    ⦁    Saytınızda məlumat, məhsulların təsviri və ya araşdırmalar ilə bölüşürsünüz. 
    ⦁    Seçdiyiniz adın .com zonasında məşğul olduğu halda, həmin adı .info zonasında tapa bilərsiniz.
    ⦁    Kommersiya xarakterli saytınızı xəbər saytı ilə təmin etmək üçün 
    ⦁    Xarici ölkələrdən olan müştərilər ilə əlaqə saxlamaq üçün
     

  • .net domeni nədir?

    Tanınmış və etibarlı .net ən nüfuzlu üst səviyyəli domenlərdən biridir.  Bu domen adı ilk dəfə 1985-ci ilin yanvar ayında .com və .org daxil olmaqla, digər orijinal TLD (üst səviyyəli domenlər) ilə birlikdə təqdim olunmuşdur. O vaxtdan etibarən .net domen zonası ildən-ilə populyarlıq qazanırdı və 2011-ci ildə .com və .de. domenlərindən sonra ən çox seçilən domen oldu. 
    Bu domen adı jurnalistika, telekommunikasiya və digər oxşar fəaliyyətlərlə məşğul olan şirkətlər və şəxslər üçün nəzərdə tutulub. .net domen adını istifadə edən saytlar 200-dən çox ölkədə yerləşir. 
    Bu domen .com və ya .biz domenlərinə əlavə olaraq şəxsi məlumatlarınızı və ticarət nişanınıza aid məlumatları qoruya bilər. Həmçinin .com zonasında artıq məşğul olan adı, burada tapıb qeydiyyatdan keçirə bilərsiniz. 
    Baxmayaraq ki, .net domen adı ilk növbədə şəbəkə texnologiyaları ilə məşğul olan şirkətlərin maraqlarını nəzərə alaraq yaradılmışdır, bu gün .net müxtəlif şirkətlərin və fərdi şəxslər tərəfindən də istifadə olunur. 
     

  • .biz domeni nədir?

    .biz domeni – biznes seqmentində daha çox üstünluk verilən domenlərdən biridir. Eləcə də .biz domeni qısa və rahat yaddaqalan domenlərdən biridir. Saytınızın ticarət yönümlü olduğunu .biz domeni ilə vurğulayın. Məhsulları satışı və ya xidmətlərin göstərilməsi ilə məşğul olursunuzsa, .biz domeni sizin üçün ən uyğun seçimdir. Belə bir domen çox sayda ziyarətçinin cəlb edilməsinə və biznesinizi yeni səviyyəyə çıxarmağa kömək edəcək. 

  • .org domeni nədir?

    .org domen adı organization ingilis sözünün qısa variantıdır. 1985-ci ilin yanvarında .com, .edu, .gov və .mil kimi əsas üst səviyyəli domenlərlə birlikdə yaradılmışdır. 
    .org uzadılması ilk növbədə qeyri-kommersiya təşkilatları üçün nəzərdə tutulsa da, indi bir növ təşkilat bu domeni istifadə edir. Domain .org başqalarına öz fəaliyyətləri barədə məlumat vermək istəyən təşkilatlar və şirkətlər üçün ideal seçimdir.

    Domen adları hansı hallarda lazım ola bilər?

    .org domenləri əsasən qeyri-kommersiya xarakterli təşkilatlar üçün nəzərdə tutulmuşdur:


    ⦁    Qeyri-kommersiya təşkilatları
    ⦁    Həmkarlar ittifaqları və tələbə icmaları
    ⦁    Sosial təşkilatlar
    ⦁    Xeyriyyə fondları
     

  • .com domeninin üstünlükləri hansılardır?

    .com domen adı internetdə ən populyar və tanınan üst səviyyəli domenlərdən biridir. 

    .com domen adı Domain Name System (DNS) tərəfindən ilk dəfə 1985-ci ildə ilk altı TLD-(üst səviyyəli domenlərlə) birgə yaradılmışdır.  
    Yarandığı gündən .com etibarlı bir domen adı sayılır və kommersiya təşkilatları üçün nəzərdə tutulmuşdur. .com domen adı ilk dəfə  kompüter istehsalçısı olan Symbolics.com saytında istifadə olunmuşdur. Bu günə kimi, .com domen adı artıq 130 milyon dəfə qeydiyyatdan keçib. 

    "Com" domen adı "kommersiya" deməkdir və biznes üçün ideal seçimdir. Bununla yanaşı, hər hansı fərdi şəxs və ya təşkilat öz şirkətləri, bloqları və ya şəxsi veb saytları üçün .com domen adını seçə bilərlər. 

    Əgər siz artıq .biz və ya .net domen adını qeydiyyatdan keçirmisinizsə, saytınızı təkmilləşdirmək və trafikini artırmaq üçün .com domenini əlavə edə bilərsiniz. 

    Müvafiq üst səviyyəli domen adı tapmaq istəyirsinizsə, .com domeni ilə fəaliyyətinizi bütün dünyaya tanıda biləcəyinizdən əmin olun. Dünyanın ən məşhur brendləri domenlərini .com zonasında qeydiyyatdan keçirirlər. 

  • Subdomen nədir və nə üçün lazımdır?

    Bir çox sayt sahibləri subdomenlərdən istifadə edir və üstünlüklərindən faydalanır. Məsələn, subdomenlər vasitəsilə saytınız axtarış sistemlərində daha yaxşı sıralanacaqdır, çünki axtarış sistemləri subdomenləri tamamilə ayrı bir sayt kimi görür. Eləcə də, subdomen vasitəsilə siz saytınızı mobil cihazlara uyğun optimizasiya edə bilərsiniz.

  • Domen adı nə deməkdir?

    Domen adı- saytınızın adı deməkdir. Domen adı vasitəsilə istifadəçilər sizi rahatlıqla tapa bilir. Domen adı özündə hərflər və rəqəmləri ayrı-ayrılıqda və ya birlikdə istifadə edə bilər. Məsələn .org, .com, .edu və sairə.